خربشات شعرية بقلم محمود قطامش

محمود قطامشمنذ ساعتين

0 52

يا ….يا

يا ….يا عود بخور ملي مكانا عطور …………..وحتي ماقال بدخلته دستور خللي الكل يتوه يتجن ………….والصبايا ياعيني جالها الدور قالوا وقالوا عليك مسحور ……………..وكهربا وشع المكان بالنور والسر مش طلتك او بسمتك …………السر نظرتك تبان كده مكسور وقال كأنك من بنات الحور ………وانت تخلا لك بالدنيا سبع بحور ………….. محمود قطامش ………..

محمود قطامشمنذ يوم واحد

0 57

وحشتيني

وحشتيني وحشتيني بدرجه موت ……. ….ومش بسكات بعلو الصوت انا عايزك و أكون جنبك………….وبلاها عناد يا برج الحوت وببعت لك بميت مرسال ………..بارده تقابليها دوم بسكوت خلاص انا قلت اه ياني ……..اعلنت عصياني ومش هتفوتوهدوس عل كل مافيا……… وايه يعني مانيش راح اموت………. محمود قطامش …………

محمود قطامشمنذ يوم واحد

0 56

مين عارف

مين عارف مين عارف ام ترتر ……….اللي بتاخد الحاجات تاخد ولا ترجعشي ……..واعتبر اللي تخده مات تاخد همومي ياناس ……….وتسيب لنا السلامات ليه تاخد اللي احبه ……………ابو شامه بغمازات ليه ماتاخد العوازل …………..وما تخلي اي آهات دلوني عليها ياناس ………. نحاسبها ومن سكات حدوته ومن خيالنا ………..والنصب عدي وفات …………. محمود قطامش …………* عند ام ترتر مثل مصري عبقري للدلاله علي نية البلطجه ورفض رد الحقوق

محمود قطامشمنذ ساعتين

0 53

اعترفلك

اعترفلك انا درت الدنيا ولفيت …………..وعرفت مافيها وحبيت وقاره ورا قاره انا زرت ………… ولا سبت لا حاره ولا بيت وعرفت الشقرا والحمرا ……….. وعالبيضا والسمرا مسيت بسم الله والحارس الله………… من بُعد القمرايه قاسيت شفتك والكهربا مستني ………..وعلي نفسي بالحب جنيت انا شفت جمال ياما يا ناس………….بصراحه جمالك ما رأيت………… محمود قطامش …………

محمود قطامشمنذ ساعتين

0 53

ملعون

ملعون اللي ربط الجحش وسابك………….. لجل ماتخرب بيت اصحابكلجل ماتفضل حاسس انك………….. لزمانك فلته والحظ ماسابك وانته الغل ماليك ومكمل………………اسود مالي بالحقد شبابك وجبت الديب من ديله ياواد…………….وجبت الذكا ولا الذكا جابك وانته ياننوس ماما جحش …………..الغبا ساب الدنيا ونام ع بابكبعت العيش والملح بلاش ……………. وايدين اتمدت لجل جنابك فكرك الناس عاملين حسابك………….او فيه حد مفكر يوم ف عتابكسايبينك واللي زيك يوم الدين……..…….قال يمهل ولا يهمل بحسابكبعد ما خنت صديق وقريب ……………حكمة ربك التأخير…

محمود قطامشمنذ يوم واحد

0 56

دراكولا

دراكولادركولا في الحب ياواد ………… بتمص في دم الاحباب ولا هامك مين يتعذب…….ولا ده يحضر ولا ده لو غاب فهمني ازاي بتحب تعذب………تحب ازاي ظلم الاصحابالحب كده ولا انت كده ………….سهر وحيره وكله عذاب دراكولا يعذب لجل حياته ………..وانت عذابك ليه اسباب؟دركولا يمٌوٌت لجل يعيش …….والموت عندك يبدا باعجابدركولا ياواد والحيره معاك……….نقفل شباك تفتح ميت بابخَدٌاع وطريقك كله ضباب………والمشي وراك نهايته سراب البعد عذاب والقرب عتاب………….والحل اكيد نكون اغراب………. محمود قطامش………….