عام جديد
مش عايزينها سنه وجديده
……..………. خلينا ويا عام مستعمل
عارفينه زمان وجربناه
……………..هو و ايامه وحياتنا اجمل
سنه من زمن امي وابويا
………………كانت عال العال واكمل
كانت مليانه خير وبركه
…………..وناسها كمان احلي واجمل
وجنيهنا ولا دولارات امريكا
…………كان مالي مكانه وكمان اتقل
يارب ياسامع دعوايا بالليل
………….هات لينا سنه م المستعمل
وبدل اخلاق الناس معاها
……………..زي اخلاق زمان وما نأمل
وداوي قلوب كل الخلق
…………..واللي في قلبه جرح يدمل
واملي أعمارنا خير وبركه
……….وخليها اجمل واشمل واكمل
…………… محمود قطامش …………