يا جميل
يا جميل يا بتاع الملاغيه
……………..ياحته قشطه محليه
طعامتك حته بسبوسه
……………… معموله حلو منقيه
وصوابعك يانهاري عليها
…………….لمستها شوق وحنيه
يا ابوكف مربرب وملون
……………..ورسومه حلوه محنيه
والبسمه تنور دنيايا
…………….. بالليل كأنه الضهريه
والشامه بتقتل ع خدك
…………..وبسمه خفيفه ومخفيه
وعنيكي وسهام رموشك
………………خلتني اسلم بايديه
والقصه ولا قصه شادية
……………قمرايه يابنت الجنيه
والجسم ولا عود الزان
………………ياخواتي متحن عليه
ترسانه أسلحه فتاكه
…………..يخدوكي بيها الجهادية
ولا مجلس أمن ولا دياولو
……………يصدوا رموشك ياصبيه
ولا مين يقدر ع جمالك
………….غير ابن قطامش ياعنيه
يا جميل يا بتاع الملاغيه
…………….. لابوار بعتهالي هديه
……………. محمود قطامش ………..
