ياعيب الشوم
ياعيب الشوم يا اموره ……………… لبانه ولكنه مكسوره
وعاملالي الا فرانكا ……………..وراسمه ع الدراع صوره
وواقفه ف هيصه تترقص…………….ياريتها لابسه مستوره
ورافعه صوتها تتلوي…………… تقولشي ياخويا مسحوره
وان سألوك انتي منين ………………. تقول عربيه غندوره
ياغندوره وشطوره…. ……………ياسايبه الاصل للصوره
يابايعه فيكي كل جميل …………….. قيم واخلاقنا محفوره
دعاء من قلبي يهديكي …………ياشاربه الكأس ومخموره
ويا لي الدنيا خادعاكي…. …………. وعايشه فيها مغروره
فوقي من جنانك ده ……….. دي نار مش لعب بالكوره
………………… محمود قطامش ………………
