هنا سينا نقولها والحزن مالينا ……….،،،………….. من تلاتين سنه بينادي اهالينا
وبتحكي قصتها مع الحرمان ………..،،،،،،،،،،،…….. لدلوقت ومن عهد الموحد مينا
علي ارضها حروبك يامصر كلها ……………………….ومن الاهمال ييجو العدا لينا
ولا حد يقرا ويفهم التاريخ …………………….. نعمرها بشر بدال منعمرها باغانينا
سايبين ايادي الغدر تلاعبها ……..؛؛؛؛؛؛؛؛؛؛؛؛…….. وكانها مش مننا كانها مش لينا
مره نلوم اهلها ومرات نلوم نفسنا ………………….. وفي كل مره تضيع فيها امانينا
يامصر ضاع علي ارضها اعز الناس …………..والدم سال كما النيل يروي اراضينا
يا مصر ده الخير ماليها كلها ………………………… ولو كانت خرابه ما هانت علينا
قالو السلام جايب معاه الحل ………………….. طلع سلام الندامه ضيعها من ايادينا
لا قادرين نعمرها ولا نسيبها كده ………………………. قولولنا هي لينا ولا مش لينا
سينا يادمعه الم كتب القلم عنك……………………. بدون اراده وطن ضاع الامل فينا
ان كان النيل هبه لمصرنا………………………………… سينا اخر هبه نضيعها بأدينا
يا شعب مصر يا صانع الثوره والتاريخ ……. تضيع مننا الكرامه ان ضاعت مننا سينا
ومين هانت عليه ارضه …………………………….. يهون عرضه ويضيع اخر امل لينا
…………….. محمود قطامش ………………
