مصر للطيران
جت المضيفه النضيفه تقولي ………………….. اربط حزامك يالافندي
والشعر جميل. وملون …………………………. اصفر واحمر مع بني
والايد مكشوفه للكتفين ……………………… والكف جميل حلو محني
قالت قهوه قلت انا اهوي ……………….. ابو عين واسعه ورمش فتني
قالت شاي قلت ازاي ………………….. افوق من سحرك اللي اخدني
قالت لحمه ضربت انا لخمه …………………… قلت سمك لبن ترالالي
وريحه برفانها ياخلق ياهو ……….. قلبتني من تحت لفوق مش مستني
بصيت علي الاسم لقيته ……………. شوقيه عبد الستار عبد المتجلي
حرفوشه وعاملا الا فرانكا …………………. شعبيه وعاملالي اللالي
ملونه وشك وصوابعك وحواجبك ………. …. وعامله ايه تاني ياوعدي
عيره في عيره كله صاحبي ……………… وده حال ستات الايام دي
………….. محمود قطامش ……………
