كنت

كنت

كنت فاكرك كده

……………..طلعت ياواد غير

لا بان عليك شكلك

………..ولا زيك من الاساطير

عرفت تخدع سنين

…………..حتي وبدون تحزير

تقلب بطعم وشكل

………..عادي ومفيش تبرير

ازاي تكون مانجه

……………تطلع كده جرجير

الصوت صوت الكناريا

………..وفي الاصل جوه زئير

دورك لعبته بشطارة

………..وف حبك وقعت اسير

انا الي شايفك غزال

…………….تطلع كمان بتطير

بيك انخدع قلبي

…………قلبي اللي ماليان خير

والدرس خدته خلاص

…………. ونجحت في بتقدير

ولا يمكن اسلم ل حوا

………….ولا بدربها راح اسير

طلعت ياواد خيش

……….وانا اللي واخدك حرير

……… محمود قطامش ……….