سيناء
صباح الخير يا سينا
صباح نور ليالينا
ولو نسيوكي كل الناس
احنا نموت ومنسينا
صباح الخير ياسينا
……………….
صباح الشط والميه
صباح الصحبه واللمه
صباح ايامك الحلوة
ورمله أرضك الناعمه
صباح الخير ياسينا
…………………..
صباح نخلك العالي
اغني تحته موالي
وعيشتي بعشه تحلالي
وحلم عمار ما يسلالي
تعدي سنين واقول تاني
صباح الخير يا سينا
……… ………………
صباح الخير لاهالينا
وعصريه بصناره ع المينا
ولو نسيوكي كل الناس
نموت احنا ولا نسينا
صباح النصر ياسينا
….. محمود قطامش ……..
