رئيسنا القادم
سعاده رئيسنا القادم ……. اسمعنا احنا لينا مظالم
مع غيرك تعبنا كتير ………..م الفاسد كمان م الظالم
كتبها شاعر بالواقع ………معجون بارضه مش حالم
…….ياريس ………. ١
ترجع لمصر هيبتها ………………. وترد عنها غيبتها
لو حد قال فيها كلمه …………. عنها تصون كرامتها
و شعبك اهو وياك ….. ……… يحميها يعللي رايتها
……ياريس ……… ٢
شعبك كتير غلبان ……………..تعبان قوي و شقيان
دخله مايكفي حاجته …………….. والفقر ليه عنوان
عايزين عداله ف ثروه …….. مش عداله ف الحرمان
…..ياريس …….٣
صحتنا دي ليها حكايه ……….. اهمالها مالوش نهايه
اديها كتير من وقتك …………… وحالتنا عايزه رعايه
امراض كتير هدانا ……………تامين ضمان و عنايه
…….ياريس ……٤
تعليمنا اساس نهضتنا ………….. بالعلم تقوم دولتنا
العلم معادش شهاده ………….. تدريب يعللي قيمتنا
بكره بايدين اولادنا …………. تعليمهم يكون بدايتنا
…….ياريس …… ٥
حريه بدون نبوت ………………. شعبك ميعرف سكوت
بالثوره قام واعلنها ………………. شاهد عليك ملكوت
حياتنا بيها اساس ………….. وعشانها اكيد هنموت
……ياريس ……. ٦
ياريت لو معاك مشروع ……………… قومي يلم جموع
تتوحد عليه كلمتنا …………….. ارواحنا نقيدها شموع
وكلامي معاه تحزير …………… ال جاي ده ثوره جوع
……ياريس …….٧
لو تعمل ده كله كفايه ……………تعملها تكون ويانا
نهتفلك وننده باسمك …………… والمره تعيشها معانا
هنجدد نقول عايزينك …………. رئيسنا وجاي لهنانا
………………… محمود قطامش …………….
