بهيه
من السما احلي هديه
دا انت اجمل حته فيا
ولو قسيتي يوم عليا
هصبر وادعي لربنا
وانزع القسوه بايديا
يابهيه
اهين واه يا بهيه
اه ياروحي ونور عينيه
اه ياست الدنيا ديه
اللي يعمل علينا راجل
نديله العجنه اللي هيا
يابهيه
احنا مش عايشين ف غابه
وخللي بالك عل الغلابه
ياكلوا عيشهم بالطيابه
بالكرامه يخبي فقره
واخرتها موته وجايه جايا
يابهيه
اسمعي لنصيحتي ديه
عايزك تكوني مفتريه
وعل الفساد بايدين قويه
وعل الغلابه دوم يابلدي
حنينه وأيدك طريه
يابهيه
بس كله وليه اوانه
وكل فرض وليه ادانه
وكل فالت عكشت ودانه
وكل ليل نهاره اخره
وكل مجرم ليه قضيه
يابهيه
وخللي بالك يابهيه
من ديابه المغربيه
دول لصوص وحوارتجيه
م اللي بيبيع لينا وده
وكله شر وملان اذيه
……………..محمود قطامش …………..
