……….بلدي يامصر………….
بلدي يا أم الدنيا يامصر
يا اللي انا بيكي
وحبي انا ليكي
يابلدي ياغاليه ملك العصر
………….بلدي يا مصر ………….
يا اللي فتحت كتابي في حضنك
وسر شبابي انا قلته في ودنك
باللي العيشه تحت راياتك
اجمل عندي من ميت قصر
…………بلدي يا مصر……………
يا اللي بحب حياتي عشانك
ويوم متنادي أعلي ادانك
ولو سألوني اقول انا مصري
وان عصروني عشانك عصر
………..بلدي يامصر ……………
لو حطولي الدنيا في كفه
عمري م اتوه ولا أغير دفه
حب حياتي وفيها مماتي
لأجل عيونك أجيب النصر
…………بلدي يامصر……………
ان حبيت هقول مواويلك
ولا مرضت شفايا ف نيلك
ولو ظلموني او حبسوني
لأجل جمايلك يامه عليا هحب الأسر
…………. بلدي يامصر …………….
يالي انا بيكي
وحبي انا ليكي
يابلدي ياغاليه ملك العصر
……………… محمود قطامش ………………
