اياك تسالها
عن العمر اللي عدي ………………واللي جاي فاضله كام
اسأل عللي نورت دنياه………………….وجيل ربيته للايام
اسألها ع البسمه تسحرنا ………….نتوه بيها بشوق ووئام
عن الرحله وكم عانت……………وكم صنعت بايدها سلام
وكم صفعت واحد مغرور ………..يرمي شباكه في الاوهام
وكم سهرت وكم قدرت ………….وكم ضحت فراق وخصام
ادعيلها واوعي تسالها ………….عشان العمر مش ايام
دي هيا دوا القلب وعلاجه ………..و احلي هديه م الرحمن
دي مصر اكيد يا اخوانا …….صبيه عفيه تيجي بالاحلام
…………….. محمود قطامش ………………..
