انا والفستان
شوفوا ياخوانا جالي جنان …………ودعته بايدي وقلت امان
قلت له سافر وانساني شويه…………..دي الوحده وحشاني زمان
راجع والذكري قدامي بتجري ….. مخبوط ع دماغي بالشوق سكران
لقيت الذكري سابقاني تقولي …………هناك قعدتنا وفي كل مكان
وهنا كان يقرا في اشعاري ……………..يقولي عفارم شاعر فنان
وهناك كان ناسي نضارته ………….. يذيد ف ناري ويقيد وجدان
واللي جنني وداني مرستان ……… هناك في الركن سايب فستان
والريحه جنان حاطط برفان ……….. حسيت بالغلطه وعليها ندمان
اتمنيتو لا غاب ولا سافر ………… وكان هو قصادي بدل الفستان
من اول يوم حسيت بقيمته ………….. بابعتله واقوله اسف غلطان
………………….. محمود قطامش ……………………
