الهوا سيناوي
مصري وافتخر ان انا
………والفخر ده لحاااد السما
مش بس جدي كان عظيم
……….صامد ماف يوم انحني
سيناوي شارب صفا النيل
………..وبنار صحاريها انكوي
الراس عالي ولا يطاطي
……….حتي ولو صابني جوي
مصري بروحي افتديكي
………….ولا ديب ع ارضك عوي
بالقران سبحانه اكرم سينا
……..بعد ما عل العرش استوي
وقال لموسي ونادي عليه
………….لما في واديها هوي
اخلع نعليك انك في
…………..الوادي المقدس طوي
ياداخل لارض سينا
…..اتطهر ارضي باركتها السما
واسجد وصلي ركعتين
…… ………. سينا ده ترابها دوا
افخر لاني من الاتنين
..مصري الهويه وسيناوي الهوي
………. محمود قطامش……….
