الهوا سيناوي
مصري وافتخر ان انا
………والفخر ده لحاااد السما
مش بس جدي كان عظيم
……….صامد ماف يوم انحني
سيناوي شارب صفا النيل
………..وبنار صحاريها انكوي
الراس عالي ولا يطاطي
……….حتي ولو صابني جوي
سيناوي بروحي افديكي
………….ولا ديب ع ارضك عوي
ربنا شرف سينا بالقران
……..بعد ما عل العرش استوي
وقال لموسي ونادي عليه
………….لما في واديها هوي
اخلع نعليك انك في
…………..الوادي المقدس طوي
ياداخل لارض سينا اسمع
…..اتطهر ارضي باركتها السما
افخر لاني من الاتنين
..مصري الهويه وسيناوي الهوي
………. محمود قطامش……….
