الشعر السايح
يابو قصه مايله والشعر سايح …………. وعينين بتحكي عنك فضايح
الخد المرمر والشفه عنبر …………… والسنه تضحك والرمش جارح
البحر الميت يصحي بامواجه ……………. لو يوم عديته بخيالك سارح
الدنيا تهدي والميه بتحلي ………………….لو ريقك نقط بالبحر المالح
النار شايلها تحرقنا بيها ……………… والفتنه نايمه وبسحرك طايح
احرقني كلي وبلاش عينيا …………… علشان اشوفك لو يوم نتصالح
ولعني اكتر وابعد عن قلبي ………………….لانه بيتك تصفح وتسامح
نارك تحرق لو حتي مؤمن ……………….تصيبوا بيها لو جالك طامح
بطرف عينك سلمت عليا ……………….سلمتك روحي من ليله امبارح
…………………… محمود قطامش …………………..
