نفسي
انا نفسي اروح المشمش
……………….. ده كل الاحلام هناك
واجيب اللي ضاع مني
……………….سعادتي وهنايا معاك
وادور علي حب تايه
………………:..ولا غاب عن الادراك
اكيد هلاقي اللي راح
…………………وزرع ما بيننا اشواك
د كان مشيطن حياتي
……………….. .:خداع عامللي ملاك
كذاب والهسس راكبه
……………..ما يصدق ودوم شكاك
كمان ادور ع صاحب
………….. …رمي العشره م الشباك
واقوله ليه ياصاحبي
……………… ….تنصبلي الف شراك
انا بس اروح المشمش
……………..راح اسيب حياتي هناك
……….. محمود قطامش …………..
* في المشمش مثل عبقري مصري هو مكان مستحيل تطلب منه الاشياء المستحيله .
