قصائد عاطفية

لف ودوران

لف ودوران
بصي من غير لف ودوران
…………….وشغل فكاكه ع بدنجان
ولا تعملي هانم يا بتاعه
……………واصلك انا عارفه بزمان
واعدلي ف كلامك ارجوكي
……وبلاش شحتفه علي شغل جنان
وبلاها الاغ علي لسانك
………….مش لايقه وحياتك و هتبان
وخشي ف موضوعك وبسرعه
…….صبري جاب اخره وشويه كمان
لا انا عندي حب ابيعهولك
…………وحتي شطبنا وقفلنا الدكان
وفري نحنحتك ع الفاضي
………تليفونات ورسايل حب والوان
نصيبي رماني والرب هداني
…………..حورية عطيه جنه رحمان
وفرشالي دنيايا بالورد
……وهي مملكتي وانا فيها السلطان
اصيله ونصها قطموشي
……….والنص التاني معجون بحنان
وقلبي سمكرته وبابه سديته
………و خلاص هدينا وغيرنا العنوان
………….. محمود قطامش ………….

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى