شايفك
عارفك بتعدي ع الصفحه
………….من قبل ما اصحي وتسلم
وكأنك تسالني فاكرني
………وجرحك ف القلب اهو معلم
حاسس بسلامك وحياتك
…………… ..ولا عارف ارد ومتألم
وكأن ايديك لمست ايدي
……………..وحراره شوقي بتتكلم
سامع انفاسك ف وداني
…………..بتقوللي بحبك قوم سلم
شميت ريحة (بارفانك)
…………….وحروفي ببعدك تتظلم
لما الشوق يلعب بيك
………..بدال ماتعدي وبس . اتكلم
وريح قلبي بسؤالك
…………بعدك الملم نفسي ومبلم
ع فكره ناسي ايشاربك كالعاده
……………… ابو ورده حمرا ومقلم
………. محمود قطامش ………..
