خدتي ايه
خدتي ايه من ذكرياتي
………………بعد ما بعتك حياتي
سبتي حيرتي مع سكاتي
…………وخدتي عمري فات واتي
خدتي روحي من حياتي
………….وسبتي ليا حنين يوماتي
خدتني من نفسي ليه
…………..وسبتي جرح منه اهاتي
خدتي صوره ليكي عندي
……………. كنت بشكيلها ليلاتي
واقعد احكي عَل بينا
……………..بطله في كل حكاياتي
اطلعي بقه من حياتي
……………وخلي احلامي بنوماتي
ان رحلتي بعدتي عني
………….كده خدتني من ذكرياتي
وان بقيت ويايا اعيش
……………..و بقربك تسعد حياتي
……… محمود قطامش………….
