اللي
اللي يخاف يتاكل حاف
…………….ولا ياخد حقه بانصاف
والعمر اكيد عايشه بلاش
……وحياته عايشها بدون مجداف
ولا عنده حلم ولا دياولوا
……..وبالحسرة اكيد دوم متشاف
خلي قلبك قاسي وجامد
……….وامشي ورا حلمك ماتخاف
وان حبيت حب باخلاص
………….لا تبيعه يوم لو قالوا الاف
والدنيا تاخدها كده مايهمك
………..ولا ده سمع ولا حتي شاف
مشوار الالف يبدا بالاولي
……..ركز مجهودك وبدون اسراف
واللي يخاف م النور ماشاف
………….واللي يخاف ربه ما يخاف
…………… محمود قطامش …………..
