سينا تنادي الرئيس
ياريس متنساش سينا ……….. ولاتنسي العريش والمينا
وافتكر رفح والشيخ …………. والعوجه وسهل الطينه
نخل والحسنه وبير العبد ………… ورمانه وكل اهالينا
قاطيه والخربه والمساعيد ……….. تاريخ نور ليالينا
ومدن كتير وبلاد ……………… حافظينها مع اسامينا
ومتنساش سنين حرمان ……….. جابها السلام لينا
وجهاله وفقر وجوع ……………. نسيان من عهد مينا
وتهم عماله وخيانه …………… واحساس بالظلم مالينا
بيتي ماهوش ليا ……………….. وخيرها ماهوش لينا
تحرير بدون تعمير ……………. لا رحنا ولا جينا
شباب ملوش تجنيد …………..ولا ضاع الانتماء فينا
الوطن بدون سينا ………………. لا دفه ولا مينا
قلت لنا يانور العين …………… ومصر الضي لعنينا
فتحنا قلوبنا ليك ………………. يا اخر امل لينا
………………. محمود قطامش ……………
