اييييييييه ياحكومه
ياحكومتنا ف بلادي …………….. اسمعوا صوتي بنادي
مش بشكوي بس عاتب ………… واسمحوا لي في عتابي
ليه حالتنا كرب دايما ……………… والفشل في كل وادي
كهربا وصحه ف ورطه ………….. اوعوا حد يقولي عادي
مرور وتعليم ونضافه …………. حالها مابيرضي الاعادي
والفقير بالفقر ينعم ……………….. والغني دوم بالنوادي
والعداله تمللي غايبه …………….. والظلم تطلعلوا ايادي
الحكومه دي ملك شعبي………..وجيشها يحرسني ببابي
والوزير منكم موظف ……………. راتبه من قوتي و زادي
كل خطه وراها خطه ……………. بقينا ننفخ ف الزبادي
خدتوا منا كل حاجه ……………….. بس خلولي بلادي
وانعموا بالخير اللي فيها ……….. وخلوا بالكم من ولادي
………………. محمود قطامش ……………..
