قناه السويس
هي قناتنا وروحنا فداها …………. راحت منا ورجعناها
شعبنا شق بايده الصخر………….يوم ما بدأنا وحفرناها
وادي قناتنا ف موعد تاني…………….بعزم وقوه طورناها
كأن الثوره اتعملت ليها ……….و ف سنه واحده ولا تناها
بفلوسنا لا جميله من حد……………ستين مليار ودفعناها
لاجل الخير يعم بلادي …………..وفرحه جديده بنستناها
وقولوا لابو طشت قوم وتليف……..خدت صابونه وفتحناها
مش تفريعه يابو تكريعه…………..سبعين كيلو واضفناها
نقول للعالم مصر جديده………..بايد اولادها تعلي سماها
في ثوره ناصر اممناها …………..وف ثوره يونيه طورناها
قناتنا دي حكايه شعب……………وحكايه قائد لبي نداها
…………….. محمود قطامش ………………
