علي مين
علي مين ياواد علي مين …………..عامل ياواد مسكين
تتلوي كطير مدبوح ………………. متقطع بميت سكين
بس واخد مني الروح…………….. وسايبني من سنتين
لاعرفت فيها طعم النوم ……….ولا صاحي مع الصاحيين
ودمي باين ع ايدك …………….. والقسوه جايبها منين
تعملي فيها برئ وملاك……………… وتشغل التفانيين
شكاك وميت هسهس راكبك………..ومصاحب الشياطين
وابليس في مدرستك ……………… واحد من الخايبيين
عارفك تمووت فيا …………………. تتمني نظره عين
بس العناد واخدك ………………..وعاملي ياد مسكين
……………. محمود قطامش ………………..
