ممنوع اللمس
قالت عارف يااعز الناس
ياللي بتديني اجمل إحساس
لو ايدك لمست ايدي كنت تلمني زي فتافيت الماس
اصل أنا احساسي بيك طول عمره مفيهوش اللمس
كنت أشوفك وانت معدي اقول
هدي واغلط عدي بس بالهمس
ساعه مابتمشي في شارعنا ريحتك سابقاك
وانا واقفه ع الشباك بستناك
اسمع صوت رنه مفاتيحك
اللي بحسدها عشان لمساك
وماشيه معاك
أنا قضيت سنين من عمري بحلم بيك
بتكلمني وانا ارد عليك وأقول شبيك
بعد الحب ماكان بعيد عايزوه بالأيد
دنا كنت أطير او حتي تجيلي عصافير
اسمع مني يا ابن الناس
يلي بتديني اجمل إحساس
خليني بعيد ……….. وبلاها الايد
………. محمود قطامش ……….
