عمو حزنبل

عمو حزنبل
عمو حزنبل عمو حزنبل
…. اوعي تقولي حكايه البلبل
…………………
اصل البلبل حلمه كبير
……. بادي معاه قبل التحرير
عايز حته ياخدها يطير
……… وكل اللعبة في التدبير
…………………
عمو حزنبل اصله زمان
……….. راسم حلمه وبالالوان
حتي رسمه ماكنش يبان
……… صاحي نايم واد تعبان
……………………
عمو حزنبل اصله بوش
…………. ولا بيناور ولا بيغش
يكلها بدقه يكلها بمش
…………ولا بيهش لكن بينش
وابعد عن حلمه متتكلمش
………………………
عمو حزنبل عينه ع السلطه
….. حلمه ياخدها حتي ف مالطه
واخدها واخدها لو باونطه
………يكولها والعه لو بالشطه
………………………
عمو حزنبل اصله غتيت
………… يطول يقصر واد عفريت
يسخن يبرد مش كبريت
……….. ابن لذينه ميت تيت تيت
……………………….
عمو حزنبل ابن لومان
……. اصله حالانجي مخه جنان
عمي حزنبل صاحبه السلطان
……….. واد لعيب بيجيب اجوان
عمو حزنبل مش اخوان
..،……….عمو حزنبل واد خَوٍان
……………..
عمو حزنبل عمو حزنبل
اوعي تقولي حكايه البلبل
……….. محمود قطامش …………..