ساحرالي
ورميه رشوش وفول مدشوش
…………….. وسحر اسود بدم وحوش
ورسم(ت) عين عليها رموش
………….بخرزه وحاجب عليه فنكوش
وعلي دراعها كلام منقوش
………….ورسمه نعوش وناس بكروش
ولابسه هدوم عليها رتوش
…………..بارده بتغللي تقول يافشوش
بقيت أهذي بكلام مجهول
……………مانيش عارفه ولا فهمتوش
بحب عينيك ونظرتها
…………وسحرك يحايلني ومجربتوش
كلامك خمر ولمسك جمر
………..وبعدك نار وشوك مطيقهوش
مخاويه ابليس وصاحبة جان
……………….وكودية زار وحلق حوش
وانا ربي بلاني بيك
……….. حالي اتلخبط وبيك مغشوش
ولو فيه فك لطلاسيمك
…………نفك ولو كلفني ميت ملطوش
ولا ارجعله في يوم تاني
…………..وسحرك لسود دوم مهروش
واغلبلك عفاريتك وأحبسها
……..ف بيت حرفوش عليه خرطوش
وادعي يارب ولا اطلهوش
…….وميخدعنيش سحره وهو بشوش
………. محمود قطامش ………….
