زعلانه
زعلانه ليه ياسماره
……………..ياساكنه القلب ومحتاره
لسه بتشكي ف إخلاصي
…………..وعمري مرهون لك باشاره
انا عارف انها غيره
…………….. وشك وشكاشيك دواره
ع خيانتي عندك الف دليل
……………..وشهود شايفاني واماره
بصي حاسبيني من سنتين
…………. من يوم ماعرفتك ياسماره
عرفت عليكي كام واحده
…………..هقولك اياكي تكوني غياره
انا فاكر نجوي وسهام
……………..وزيزي مضيفه في طياره
وفي لبنان كانت ريما
……………… ومعاها ناديه ونواره
ويوم ماسافرت المغرب
………………..شاديه وفاديه المكاره
وفي مصر أنتي عارفاني
…………….أصحابي كل بنات إلحاره
مش سر أنتي عارفاهم
………………عاليه وتالا وهند وساره
وسعاد ووداد وشاهنده
……… لا سر ومتخبي ولا حتي شطاره
أيوه كمان انا كنت هنسي
…………….هبه اللي بتمشي بنضاره
لكن والله ياواد انت
…………….انت حياتي ولعمري مناره
وكل دول ولا يسووا
………………..قدامك خيط في سناره
لكن من حبي ليكي
…………… حبيت غداره يادنيا و دواره
ولو زعلانه وحياتك
…………… في لحظه اتاويهم ف مغاره
واعيش راهب لعيونك
…………..اوهبلك عمري أحبك بجداره
……….. محمود قطامش …………..
