القلب قالب
مافيش حواجز بيني وبينك …… .لوحتي عمري فدي ضي عينك
انت شاور يابو شعر طاير ……… والسحر داير ما فوق جبينك
لو قلت عدي همشي واعدي ……..ع النار واهدي واكون يمينك
مافيش حدود لجل الخدود ………..تفاحها طايب يقولي فينك
لجل العيون الموت يهون …………. ومهما يكون شاور و اجيلك
قللي يا انته صفاك ده امته ……..،. البعد ذود وطولت ليلك
لكن مصيرك قلبك يجيبك ………….يمكن ساعتها يروح حنينك
القلب قالب وليه مقالب …………..مع حب تاني هاروح ماجيلك
……………………. محمود قطامش …………………
