راح اقولك علي سر خطير………….وعايز وعدك والسر في بير
انا بصراحه عندي عيب………. …دمي حامي و عليكي بغير
اصلي من لحم وإحساس…………..ودماغ تودي لبحر التفكير
الكبايه اللي شربتي منها ……….. فينها وشفايفك سابت تاثير
المنديل اللي لامس وشك………… ..راح فين انا عقلي هيطير
وعينيكي بصت لهناك ………… علي مين ولمين بصيتي كتير
وصباع الروج الأحمر …………..انا عايزوه ياست الامامير
غيره مجنونه بصراحه ………….منها بعاني وانا ليها اسير
ياتحبني بعيوبي يا انت ………او تنساني مع غيرتي وتطير
انا عايش مع كل عيوبي………… ومشاعري ومع غيرتي امير
بس انت وعدتيني وهتخلي……..موضوعنا سر والسر في بير
………………… محمود قطامش …………………..
