علي مين
علي مين ياواد علي مين …………..عامل ياواد مسكين
تتلوي كطير مدبوح ………………. متقطع بميت سكين
وانت واخد مني الروح…………… وسايبني من سنتين
لاعرفت فيها طعم النوم …….ولا صاحي مع الصاحيين
ودمي باين ع ايدك …………….. والقسوه جايبها منين
تعملي فيها برئ وملاك……………. وتشغل التفانيين
وموسوس وشكاك ع طول………….ومصاحب الشياطين
وابليس في مدرستك ……………… واحد من الخايبيين
عارفك تمووت فيا …………………. تتمني نظره عين
بس العناد واخدك ………………..وعاملي ياد مسكين
…….؛……… محمود قطامش ………………..
