البطاقه
شالوا اسمي من بطاقتي
……………..و فيها سموني حبيبك
والوظيفه قالوا عنها
………….وظيفتي بحار في سفينك
حتي الديانه غيروها
…………… ده كل مصري دينه دينك
و قالوا عنوان الاقامه
…………قلت الاقامه ف ضي عينك
لكن اسمي هم ف حيره
…………… مجنون لو يوم هسيبك
اما في تاريخ الميلاد
…………….حطوا مكانه يوم حنينك
جينا علي رقم البطاقه
………………..نسيوا اني لو بدونك
هبقي صفرين ع الشمال
……………. وصفر تالت عن يمينك
ونسيوا انه كل مصري
………………. يفخر بالعيشه بقليلك
اما علي الدم وفصيلته
………………….حللوها لقيوا طينك
وشالوا صورتي من عليها
………………. وحطوا فيها نهر نيلك
ده المصري مش بالبطاقه
………… المصري م المحنه يشيلك
……… محمود قطامش …………
