قصائد عاطفية

يا جميل

يا جميل
يا جميل يا بتاع الملاغيه ……………..ياحته قشطه محليه
طعامتك حته بسبوسه ………………… معموله حلو منقيه
وصوابعك يانهاري عليها …………….لمستها شوق وحنيه
يا ابوكف مربرب وملون ………………برسوم حلوه محنيه
والبسمه تنور دنيايا ……………….. بالليل كأنه الضهريه
والشامه بتقتل ع خدك…………….ببسمه خفيفه ومخفيه
وعنيكي وسهام رموشك………………خلتني اسلم بايديه
والقصه ولا قصه شادية ……………قمرايه يابنت الجنيه
جسمك ولا عود الزان ………………ياخواتي متحن عليه
ترسانه أسلحه فتاكه ……………يخدوكي بيها الجهادية
ولا مجلس أمن ولا دياولو………..يصدوا رموشك ياصبيه
وقوليلي مين يقدر ع جمالك …….غير ابن قطامش ياعنيه
ولافارس شعر بيعرفلك………….. حتي التواب ابن عطيه
من بصه اجيبك باحضاني ……….وشويه صبر ومداديه
يا جميل يا بتاع الملاغيه…………… لابوار بعتهالي هديه
……………. محمود قطامش ………..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى