في حب مصر

يامصر

يامصر
مصر ياورده ف خميله
……………….مصر حبك فرض عين
حتي ناسها ف كل حته
………………..اهل نخوه و طيبين
التاريخ شاهد عليها
………………سيره عطره بكل دين
اما نيلها تقولش حارس
…………….فارد وحاضن بالايدين
جنبه يوم حبيت حليوه
…………..واشتكيت له من السنين
حتي يوم طبطب عليا
………….وقال لي حب اسمر وزين
شفته مره يقول لصاحبي
………….؛؛..اجمد ياواد اياك تلين
نادي قاله بعلو صوته
…….؛؛…….مصركم تاج ع الجبين
مصر نني العين مكانها
……………..وشيلو عنها كل شين
الف مره تقوم تصدك
…………..عاصيه مش عايزه تلين
بس فيها شيء يشدك
……………….ذكريات وايام حنين
يوم هتغرق في عنادها
………… .و يوم هتفديك بالعينين
اما لو نادت ولادها
……………….تلقي كله يقول امين
الكل يرهن ليها روحه
……………والكل نفسه يروح يعين
ف حبها مالكش حيله
…………..اصله عشق وفرض عين
…….محمود قطامش …….

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى