في حب مصر

يامصر أولادك

يامصر
يامصر حراسك بياكلوا في الولاد
وبيقتلوا منا العباد
والموت بعتهم لينا  في لحظه عناد
وبيقطفوا زهره شبابك قبل الميعاد
قالوا الولاد ضربوا الولاد
والعباد الطيبين مبقوش عباد
واتحولوا في لحظه شيطان ذئاب
وبقت بتحكمهم شريعه الف غاب
يامصر دولا مش ولادك 
ولا اللي كانوا عاشقين ترابك
ولا الحراس اللي  علي ابوابك 
ولا اللي كانوا بيموتوا علي عتابك
لا شربنا من نيلك
 ولا لحم كتافنا من خيرك
ولاغنينا مواويلك
 وعشقنا قناديلك
ولا تربينا من دينك 
ولا دينا بقي دينك 
يامصر مش عارف اقول خاينيين
ولا دول مش مننا
 دول تانيين 
والا اقول مبقيتيش مصرنا 
ولااحنا مصريين
                                                                                    ……. محمود قطامش ……

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى