قصائد خفيفة

ياحوده

ياحوده
هاتلي ياحوده فانوس
………دي مناسبه ماتتقدر بفلوس
رمضان جاي لينا بنوره
…………..وبتقوي راح تملي نفوس
فاكر لما كنت خاطبني
…..كنت معلم وبتدي بالحب دروس
جاي دلوقتي وعامل ناسي
………وع الذكري ومشاعري اتدوس
هاتلي فانوس وولع شمعه
……..ده انا لسه بيقولوا عليا عروس
من تلاتين سنه و اتجوزنا
……..ومن عين الناس حبنا محروس
قلت رمضان نحييه بصلاتنا
………مش بالشمعه ولا حتي فانوس
رمضان اصلا صوم وعباده
………مش تقاليع وموضات وطقوس
ومن صام رمضان واحتسبه
……….فيه غفران وثوابه جنة فردوس
ومين كان والديه عايشين
……. يجري وبسرعه وع ايديهم يبوس
………… محمود قطامش …………..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى