قصائد خفيفة

ملعون

ملعون
اللي ربط الجحش وسابك
………….. لجل ماتخرب بيت اصحابك
لجل ماتفضل حاسس انك
………….. لزمانك فلته والحظ ماسابك
وانته الغل ماليك ومكمل
………………اسود مالي بالحقد شبابك
وجبت الديب من ديله ياواد
…………….وجبت الذكا ولا الذكا جابك
وانته ياننوس ماما جحش
…………..الغبا ساب الدنيا ونام ع بابك
بعت العيش والملح بلاش
……………. وايدين اتمدت لجل جنابك
فكرك الناس عاملين حسابك
………….او فيه حد مفكر يوم ف عتابك
سايبينك واللي زيك يوم الدين
……..…….قال يمهل ولا يهمل بحسابك
بعد ما خنت صديق وقريب
……………حكمة ربك التأخير في عقابك
و خليك فاكر ليك اولاد
…………ودعوه مظلوم هتصيب احبابك
وتشوف اللي عملته بالناس
…….بعد ماسيدك اشتري غيرك وسابك
…………. محمود قطامش …………..،.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى