في حب مصر

مصر المحبوسه. (١)

بين ميدان وبين القصر ……..،…………. ارفعي رأسك يامه يامصر
وقولي ولادي عرفوا طريقهم ……………….ولا يرهبهم خوف ولا قهر
مهما حاولت تحكم قيدك ………………… قيد الشعب مصيره الكسر
ولو حطيت الشعب ف سجنك …………. مصر الحره مترضاش اسر
الشعب المصري راضع عزه …………….. ويرمي الظالم دوم بالبحر
وميغركش الطيبه في سلوكه ……………… راح يثور ولا يسمع أمر
وادي مبارك كان قدامك …………………. سكتنا عليه سنين م العمر
بثوره جديده خلعوك فيها ………………… بلدي ياام الدنيا يا مصر
والمحروسه دي تاجي وسعدي ……………..روحي فداها ليوم القبر
واسمع مني وخللي عنادك ………….. راح يحكمنا ميدان مش قصر
واللي نجيبه هيمشي بشورنا …………….. ولو قلناله دوس ع الجمر
مصر انا وانت مش انا يا انت……… وخود بنصيحتي وسيب القصر
واوعي تطول راح تخربها ……………….. وراح يبنيها شبابها الحر
…………….. محمود قطامش ………………..

مقالات ذات صلة

تعليق واحد

  1. الهم و فق مصر لما فيه الخير و الصواب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى