قصائد عاطفية

قالت فاكر

قالت فاكر
فاكرني يابو ضحكه لذيذه
……..انا عارفاك من ايام الجيزه
سالتني يومها عن اسمي
……وضحكت معاك وقلت عزيزه
يومها ركبنا اتوبيسنا سوا
…..وعملتلي شهم ودفعنا بريزه
وقعدت تحكي عن حكاياتك
…..وصراحتك بالنسبه لي ميزه
من يومي بيقولوا عليا خبيره
،……..وفي الرجاله اكيد فرييزه
قلت ارسم واحللي بضاعه
……وضربت يومها حته تبويزه
وكلمتك بالاغغغ قال يعني
……… وعملت فيها الست بكيزه
ولبست الفستان الفوشيا
…….فاكره نقشته حمرا بتطريزه
كنت مربربه وملظظه وتخينه
…….بصراحه عاملا زي الجميزه
وصفولي يومها ابو حنكوره
…….. وعملك يومها حته تعويزه
اناكنت رسمالك رسمه ياواد
……..ما هتفلت منها الا بالجيزه
فاكراك يومها مسالتش فيا
…..بالعربي قلبت عليا الطرابيزه
وادتني درس لساني فاكراه
…قلتلي بصي ياللي عامله عزيزه
وانتي والله يادوب زغلول
…….. وعمرك ماتكوني زي بكيزه
ينفع تاكلي غداكي الليله
….وتغمسي المش ابو دوده بكريزه
او ينفع انا اتجنن واعملها
….اتعشي واكل بالتوست الخبيزه
……… محمود قطامش………

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى