حكاية قصيدة

فارس

فارس

فارس ايه يا فارس ياجدو ……. حاسس

…………وانا ماسك ايدك إنا ايه حاسس …….

خمسين سنه بيني وبينك لا لا خمسه وخمسين ….

وشويه ايام تانيين …………

انا ماسك ايدك دلوقت لكن …..

ياتري راح تمسك ايدي بعدين ……..

لما العمر يعدي عليا … ……ما انا عمري ورايا

………..وعمرك قدامك عمرين …..

.. انا حاسس يا فارس ان عمري ابتدأ بيك ……..

او انه ابتدأ من تاني علشان أديك …….

من عندي شويه حنيه واداديك……..

. اصل انا فيك …….

وانت حفيدي اللي كل دنيايا ليك …….

. ياه يا فارس لو تعرف انا مستني ايه ……

. مستني أشوفك شايل كتبك للدرس …..

لا اكتر مستني أشوفك يوم فرحك بالعرس …..

.وارقص يوم فرحك ولا بلاش الرقص …..

خليها تسقيف ….باين ان الواحد طماع …….

.ولا عشان الحلم بلاش مش يتباع ……..

.ياه يظهر اني سرحت بعيد …….

. من مسكتي للايد ……….لاحلي حفيد…..

اللي ربنا أهدانا وجوده …

.. وهو اللي يصونه …… ويدينا معاه عمر جديد …….

………….. محمود قطامش ………….

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى