عبله العصريه

عبله العصريه
ياعبله انا مش عنتره الولهان
…….لا سيفي لمع ولا خدك عليه بان
انا زمن تاني مش ربع خالي
………..لا نوق حمرا مهرك ولا غربان
لو عايزاني انا عايزك
………….شاوري دليني علي العنوان
ولو عايزاني اكون مجنون
……….خلاص من دلوقت انا بدنجان
مهرك عمري لو عايزه والشبكه
………..دبله وورده قاطفها م البستان
ياعبله انا بالحب ميت عنتر
……. عاشق وبيكي خمسميت ولهان
مش هبوس السيف لو تلمع
…..هبوس الارض لو ضيك عليها بان
……… محمود قطامش ………..
من وحي البيت الشهير لعنتره
(( فوددت تقبيل السيوف لانها …. لمعت كبارق ثغرك المتبسم )