عايز عروسه ٢
انا عايز عروسه …………….. …..مدملكه وكلبوظه
العود سارح مَلان………………..احتاجه وقت عوزه
طويله وفرعه جامد………………يادوب اشوف بلوزه
العين واسعه وكحيله …………….والبوء تقلشي لوزه
الشعر ليل مضَلِم ………….صوابع ف الاصل موزه
نعنوشه ونغشه خالص……….مطرقعه وفي الكازوزه
حُنَيّنه وفي اللزازه ……………..سكر وعسل مخبوزه
نضيفه وست بيت …………… لا غلطه ولا ملحوظه
تفهمني من النظره …………وحاجتي اوام محفوظه
سنين بدور عليها …………….صبيه ماتكون عجوزه
اسعد بيها ف حياتي ………ونعيش سوا ف البالوظه
……………… محمود قطامش ………………..
