حكاية قصيدة

زوبه

زوبه
البت زوبه الاسوانيه ………. جامده طحن البت ديه
صحه فرعه وكعب عالي ………ايدها ناشفه ومفتريه
تمشي تكه وهاالله هالله ………..الوقفه سيكا والمظيه
والمدلدل والمشخلل والمزغلل………..لولي ترتر ميه ميه
الطعامه من جلاكسي …………….والقوام ده مهلبيه
عسليه البت زوبه ………،،،…صبحي وبلاش قسيه
انا اللي بستناك ليلاتي…….. انت روحي ونور عينيه
قالت ايه ايه ياروحي ………بتعاكسني رايحه جايه
انا راح انده لك اخويا ……….تاخد الطريحه اللي هيا
عامللي شملول ياشاطر ……….وانت خيبه وواد هفيه
استلم اهي جتلك امي …………دي ام زوبه البراويه
انت مش عارفاه يازوبه ..ده حوده …جارنا كان بالعمرانيه
ازيك وامك زي ماهي ……… كانت اختي وصاحبه ليه
قلت جايلك من هناك ……….. جاي عشان البت ديه
بت اما تبتك ياواد ……………انا زوبه يابوراس غبيه
جوزيني زوبه ياخالتي ………..انا قتيلها الليله ديه
مهرها لو حتي عمري ………… هدفعه وعليه هديه
واعملوا زفه وزينه ……………حبها في الاصل غيه
جوزيني البت ديه ،……………سعدها ندرن عليه
………………. محمود قطامش ……………

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى