رسمتك
رسمتك عصفورين طايرين
………و قلبي جناح مابين الاتنين
واحد فيهم واخد عقلي
…….. ونفسي اعرف طريقه منين
والتاني معاه كمان روحي
………..وغرقنني في اهات وانين
مابين عقلي ومابين روحي
………….بقيت تايه اروحله فين
يارايح حد القمر ف سماه
…………… دلالك كسر القوانين
لكنك سايب اكيد ذكري
………..تسيل معها دموع العين
عشان حبك سلب روحي
……….وعقلي طار مع الطايرين
بقيت عاقل ع وش جنان
…..خلاص مجنون مع المجانين
ادعي عليك تكون زيي
………..وبعيد الشر ع السامعين
……… محمود قطامش ………..
