خصم وحكم
لو كنت خصم وحكم ……………. يبقي المصير اتحسم
تحكم بلا محبتك ………….. ..ظلم في الارض اترسم
والظلم هشوفه واقع ………….. .. والشكوي للي اتظلم
والشكوي منك اليك ……………. تحكم ما عندك ندم
بالحب ما فيش انصاف………… ميزانه مال و اتخرم
والعدل اجيبه منين …………….. ما دام ف قلبك عدم
ده الظلم طبع الملاح …………….. ولا حب من غير الم
اقرا ف كتب التاريخ ………….. حبيب من حبيبه اترحم
لا روميو خد جولييت ……………. وقيس من عقله اتحرم
ومصيري انا معروف ……………. كتبته تاريخ بالقلم
انت الظالم وانا المظلوم ………….. وهتشهد عليك الامم
……………….. محمود قطامش …………………
