قصائد عاطفية

خاين

خاين
ومؤسس علم التخوين
………وبترمي تهمك شمال ويمين
لكن وحياتك علي مين
………… وأنت ياواد سيد العارفين
أنا ليا في حبك مشوار
………… وشربت مرار طافح سنتين
راح اخد تاري من قلبك
……… ولا ممكن اسيبك يوم الدين
ولا تعمل فيها ميت عيان
…………وتمثل ف ادوار المساكين
خاين وأنا شاهد ع خيانتك
…………وأحلف وحياتك الف يمين
قولتلي حبيتك وخلاص
………. ..وتشغلني في لعب وتفانين
وتسيبني ولا عارف روحي
………….متشعلق في حبال دايبين
ولا عارف كوعي من بوعي
…………متلخبط تايه ومابين اتنين
مابين سحرك وخيانتك
………واسم الله عليك تخزي العين
مين يقدر ع دلالك مين
……ولك الف ضحيه وكتير مجانين
إياك فاكر تفلت بخيانتك
……الدنيا ماشيه كده سلف و دين
وعدل الله ماشي ع الأرض
…..هاخد حقي منك وبدون قوانين
…….. محمود قطامش ………….

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى