حكاية قصيدة

اقرار

اقرار
علي نفسي هكتبلك اقرار
………..واعطره بدموعي وورد وازهار
واحلفلك الف يمين لو عايز
……………..ولو بكذب هتعذب بالنار
او شوفو تعاقبوني ازاي
…………..استاهل لو خلو حياتي مرار
انا من غيرك ياواد انت
……………..تايه مجنون واكيد محتار
يمكن راح ادور علي نفسي
…………..القاها مع عقلي في مشوار
بتدور وخداني لاحضانك
………………….وتثبت عقلي لو طار
وتحكي علي كل اللي بنفسي
……………..وتقولك علي كل آلاسرار
من يوم ماعرفتك ياسماره
…………….. وجرفني لحبك نوه وتيار
ولا عارف اتلم ع روحي
……………و داخل كده وياك ف حوار
ارسالك علي بر معايا
…………………ده انا سامع كل الاخبار
انك بياع في وعودك
…………..ورمشك يدبح ولا سيف بتار
وانك سراق وحرامي
……………. والقلب بتاخده كده غدار
وتخللي احبابك تسهر
……………….لا في ليل هتنام ولا نهار
حبيتك ولا عمري راح انكر
………… .ماخلاص قلبي حبك واختار
واختارك رغم قساوتك
……………..دا اختارلي وبدون انزار
واللي يسلم عقله لغيره
…………………ولا يبكي عليه لو طار
يستاهل كل عذاب يصيبه
………………ده نصيبه يسلم للاقدار
واللي يحب اكيد ده جزاته
……….. أصلا في الحب مفيش اعزار
……… محمود قطامش ………….

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى