يا اللي
نسيتوا التاريخ وهمكم جغرافيا
ونسيتوا مزبلتوا وصفحتوا الدافيه
الاسم خلاص اتكتب وحروفه محفوره
مين اللي باع الوطن ومين نيته صافيه
…………………
يا اللي
نسيتو التاريخ ونسيتوا احكامه
وهمكم تحكموا وتعيشوا أوهامه
الشعب قال كلمته وسجلها بكتابه
حكمتم بطشتم سحلتم كل أولاده
…………………..
يا اللي
نسيتوا التاريخ والوطن والناس
وضيعتم المرجله والنخوه والإحساس
والوطن شعاره بثورته عيش وحريه
وانتوا خلاص همكوا وسواسكم الخناس
…………………..
يا اللي
نسيتوا التاريخ ونسيتوا مزبلته
تاخد اللي خان واللي باع مرجلته
اقروا عشان تعرفوا وتفهموا دروسه
عادل وطول عمره ما يرحم بمحكمته
……….. محمود قطامش …………
