ياغبي
ياغبي يابو مخ تخين
……….هل عارف القتل في مين ؟
غسلولك مخك ده اكيد
…………ده اخوك ومن نفس الطين
دول اهلك دول ناسك
……………وقالولك دول ناس تانيين
دلني عل الحته السوده
……….جواك وهإشيلها بايديا الاتنين
ده ف سينا اخلع نعليك
………….. عارفها مش خدتها بالدين
مش راح اقولك ده حرام
……………..ولا هقرالك سوره التين
لكنك والله قاتل وده اكيد
………………والقاتل رايح علي فين
مصر انا وانت ياغبي
…… .مش انا يا انت يابو مخ تخين
وف مصر قال ادخلوها
……………دول ناسها ودايما امنين
……….. محمود قطامش …………
